Нэбгырэ 50 дитхагъ

Мыекъуапэ щыщ горэм IэкIыбым къикIыгъэхэр миграционнэ учетым гъэбылъыгъэкIэ хигъэуцуагъэх.


ХэбзэухъумэкIо къулыкъухэм къаIэкIэхьэгъэ къэбарымкIэ Адыгеим иполицие Урысыем щынэгъончъэнымкIэ ифедеральнэ къулыкъу ишъолъыр гъэIорышIапIэ икъулыкъушIэхэр игъусэхэу хабзэр зыукъуагъэхэр къыхагъэщыгъэх.

Хьыкумыр мы Iофым зыхэплъэм, лажьэ зиIэм пшъэдэкIыжьэу тазыр тырилъхьагъ. Мыекъопэ къэралыгъо хьыкумым апелляционнэ унашъоу ышIыгъэмкIэ тазырыр сомэ мини 180-рэ мэхъу.